Пряко предаване на богослужението от катедрален храм „Успение Богородично“

 

Неделя 11-та след Петдесетница. Мчк Андрей Стратилат и с него 2593 мчци. Икона на Пресвета Богородица „Донска“

1 септември (19 август ст. ст.) - Трети, Шести час, Златоустова св. Литургия - 9:00 ч.

***

Тропа́рь воскре́сенъ, гла́съ 2:
Егда́ снизше́лъ еси́ къ сме́рти, Животе́ Безсме́ртный, тогда́ а́дъ умертви́лъ еси́ блиста́ніемъ Божества́; егда́ же и уме́ршія отъ преиспо́днихъ воскреси́лъ еси́, вся́ си́лы небе́сныя взыва́ху: Жизнода́вче, Христе́ Бо́же на́шъ, сла́ва Тебѣ́.

Тропа́рь пра́здника, гла́съ 1:
Въ рождествѣ́ дѣ́вство сохрани́ла eси́, во успе́ніи мíра не оста́вила eси́, Богоро́дице, преста́вилася eси́ къ животу́, Ма́ти су́щи Живота́, и моли́твами Твои́ми избавля́еши отъ сме́рти ду́ши на́ша.

Тропа́рь му́ченика, гла́съ 5:
Земна́го са́на сла́ву оста́вивъ, небе́сное Ца́рство наслѣ́довалъ еси́, кро́вными ка́плями, я́ко пречу́днымъ ка́меніемъ, нетлѣ́нныя вѣнцы́ украси́лъ еси́ и ко Христу́ приве́лъ еси́ собо́ръ страстоте́рпецъ. Съ ли́ки а́нгельскими въ невече́рнѣмъ свѣ́тѣ незаходи́маго Со́лнца Христа́ обрѣ́лъ еси́, свя́те Андре́е Стратила́те, Его́же моли́ съ пострада́вшими съ тобо́ю при́сно, да спасе́тъ ду́ши на́ша.

Конда́къ воскре́сенъ, гла́съ 2:
Воскре́слъ еси́ отъ гро́ба, Всеси́льне Спа́се, и а́дъ, ви́дѣвъ чу́до, ужасе́ся, и ме́ртвіи воста́ша, тва́рь же, ви́дящи, сра́дуется Тебѣ́, и Ада́мъ свесели́тся, и мíръ, Спа́се мо́й, воспѣва́етъ Тя́ при́сно.

„Слава“

Конда́къ му́ченика, гла́съ 2:
Въ моли́твахъ Го́сподеви предстоя́, я́коже звѣзда́ со́лнцу предтекíй, и жела́емое сокро́вище Ца́рствія узрѣ́лъ еси́, ра́дости неизрече́нныя исполня́яся. Безсме́ртному Царю́ въ безконе́чныя вѣ́ки, отъ а́нгелъ безпреста́ни хвали́мому, пое́ши, Андре́е Стратила́те. Съ ни́миже моли́ся непреста́нно о всѣ́хъ на́съ.

„И ныне“

Конда́къ пра́здника, гла́съ 2:
Въ моли́твахъ неусыпа́ющую Богоро́дицу и въ предста́тельствахъ непрело́жное упова́ніе, гро́бъ и умерщвле́ніе не удержа́ста: я́коже бо Живота́ Ма́терь, къ животу́ преста́ви, во утро́бу Всели́выйся приснодѣ́вственную.

***